Еднодневен семинар:

DATA MINING КОНЦЕПТИ И ТЕХНИКИ КАКО ОСНОВА
НА БИЗНИС АНАЛИЗА

- РАЗБИРАЊЕ НА БАЗИ НА ПОДАТОЦИ, ИДЕНТИФИКАЦИЈА  И КЛАСИФИКАЦИЈА  НА СЕТОВИ НА ПОДАТОЦИ,  БИЗНИС АНАЛИЗА НА КЛАСТЕРИ НА ПОДАТОЦИ -

14.02.2019 година (четврток)
10:00 – 15:30 часот
Стопанска комора на Македонија, сала 1 на 5-ти кат

Овој семинар го објаснува значењето на податоците и нивното користење за  носење  квалитетни бизнис одлуки. Наменет е за претставници на бизнис заедницата кои директно или индиректно се вклучени во процесите на бизнис анализите и носењето на деловни одлуки. На еднодневниот семинар учесниците ќе добијат подлабоко разбирање за data mining, бази на податоци, идентификација и класификација на сетови на податоци, бизнис анализа на кластери на податоци. Идентификувањето на сеопфатни и квалитетни бази на податоци и практикувањето подготовка на анализи е дел од бизнис културата на развиените компании. Особено е важно користењето на релевантни економски податоци на патот за зголемување на конкурентноста.

Прашања кои ќе бидат одговорени за време на семинарот:

- Што е data mining?
- Концепти и техники на data mining?
- Пристап до бази на податоци;
- Потреба од класифицирање на податоците;
- Што е тоа кластер анализа?
- Основи на бизнис анализа.

Програма:

- Разбирање на data mining и неговите основи;
- Како функционира data mining;
- Концепти и техники на data mining;
- Таргетирање на потребните бази на податоци;
- Класификација на податоци;
- Кластер анализа;
- Основи на бизнис анализа.

Придобивките на компаниите и организациите кои применуваат data mining:

- Подобрување на знаењата за расположиви бази на податоци;
- Подобрување на знаењата за процесот на селекција на потребните податоци од 
  големи сетови на податоци;
- Запознавање со концептите и техниките на data mining;
- Запознавање со техниките на класификација на податоците согласно потребите
  за дефинирана бизнис анализа;
 - Запознавање со значењето на подготовка на кластери на податоците потребни 
   за бизнис анализа;
- Подготовка на бизнис анализи и запознавање со тековните предности во 
  дејноста на економска активност;
- Подобро планирање и носење одлуки на база на бизнис анализи подготвени 
  согласно добрите практики.

Предавач:

-Благица Новковска, експерт, професор и истражувач. Повеќе од 25 години работела во официјалната статистика, од кои 10 години како директор на Државниот завод за статистика.
На академско ниво, Новковска е доктор на економски науки (докторирала на тема  ,,Застапеност и мерење на сивата економија во Република Македонија,,) и доцент по група предмети од областа на економските науки на Универзитетот за туризам и менаџмент во Скопје. 
Како експерт во областа на статистиката, економијата и социјалната политика учествувала во подготовката на многу национални, регионални и меѓународни извештаи, стратешки документи и анализи. Била ангажирана од страна на: ММФ, Светската банка, МОТ (Меѓународната организација на трудот), ЕУРОСТАТ, УНЕЦЕ, во многу проектни активности во различни земји: Македонија, Црна Гора, Босна и Херцеговина, ДР Конго, Гана. Како експерт за „сива“ економија, пазар на труд, одржлив развој, регионален развој,  сиромаштија и макроекономски анализи била учесник во многу проекти финансирани од ЕУ. Автор  е на еден универзитетски учебник и на околу 50 научни трудови.

За сите учесници на семинарот ќе биде обезбедено:
- работен материјал;
- ручeк и освежување;
- сертификат за присуство на семинарот.

Последен  рок за пријавување: 8 февруари 2019 година.