Советување на тема:

Вработување согласно одредбите на Законот за работните односи, разлики помеѓу вработувањето на кандидатите според Законот за работните односи и  Законот за вработените во јавниот сектор и Законот за административните службеници, можности за распоредување на вработените во јавниот сектор и на административните службеници, проблеми за распоредување на работниците согласно Законот за работните односи - непредвиденост на поимот рапоредување на работник, поим на повреда на работниот ред и дисциплина според Законот за работните односи и предвидени мерки за ваква повреда, дисциплинска неуредност и дисциплински престап како повреди предвидени во Законот за административните службеници, одговорност на вработените во јавниот сектор за извршувањето на работните задачи

24 - 29 април 2018 година
Истанбул, Република Турција

          Стопанската комора на Македонија од 24 до 29 април 2018 година, Ве поканува да земете учество на советувањето во Истанбул, Република Турција, на тема: „Вработување согласно одредбите на Законот за работните односи, разлики помеѓу  вработувањето на кандидатите според Законот за работните односи и  Законот за вработените во јавниот сектор и Законот за административните службеници, можности за распоредување на вработените во јавниот сектор и на административните службеници, проблеми за распоредување на работниците согласно Законот за работните односи - непредвиденост на поимот рапоредување на работник, поим на повреда на работниот ред и дисциплина според Законот за работните односи и предвидени мерки за ваква повреда, дисциплинска неуредност и дисциплински престап како повреди предвидени во Законот за административните службеници, одговорност на вработените во јавниот сектор за извршувањето на работните задачи“.

          Целта на советувањето е на учесниците да им се направи јасна дистинкција помеѓу различните законски регулативни кои го регулираат работниот однос во секоја од фазите кои еден работен циклус ги опфаќа: вработување, прераспределба, дисциплински мерки и санкции. Пред учесниците ќе образложени законските решенија во однос на одредени правни институти од областа на работните односи, а  дополнително ќе имаат можност да бидат советувани од страна на експерт и за сите тековни проблеми и дилеми што се јавуваат при примена на законодавството од областа на работните односи во тековното работење.

ЗА КОГО Е НАМЕНЕТО СОВЕТУВАЊЕТО?

Советувањето е наменето за сите вработени во правните служби, адвокатите и останати законски застапници, менаџери во компаниите, вработени во секторите за управување со човечки ресурси, како и за сите останати кои сакаат да го надградат своето знаење или истото да го потврдат во делот на работните односи.

ПРОГРАМА:

Прв ден:

- Вработување согласно одредбите на Законот за работните односи;
- Вработување согласно одредбите на Законот за вработените во јавниот сектор;
- Вработување согласно одредбите на Законот за административните службеници;
- Разлики помеѓу  вработувањето на кандидатите според Законот за работните односи и Законот за вработените во јавниот сектор и Законот за административните службеници;
- Распоредување на вработените во јавниот сектор согласно Законот за вработрните во јавниот сектор;
- Распоредување на административни службеници согласно Законот за административни службеници.

Втор ден:

- Проблеми за распоредување на работниците согласно Законот за работните односи - непредвиденост на поимот рапоредување на работник;
- Поим на повреда на работниот ред и дисциплина според Законот за работните односи и предвидени мерки за ваква повреда;
- Дисциплинска неуредност и дисциплински престап како повреди предвидени во Законот за административните службеници; 
- Одговорност на вработените во јавниот сектор за извршувањето на работните задачи).

          На советувањето ќе се третираат и прашања кои не се опфатени во агендата, а се од интерес на учесниците и се поврзани со Законот за работни односи.

Предавачи:
- Бојана Велковска, судија во Основен суд Скопје II – Скопје, Одделение за работни спорови.

- Хилда Мешкова, судија во Основен суд Скопје II – Скопје, Одделение за работни спорови.

АРАНЖМАН:

Сместување и превоз 
- Цената за сместување во хотел со 4* на база три полупансиони во двокреветна соба, со вклучени разгледи со водич во Истанбул по учесник изнесува 18.290,00 денари; 
- за сместување во еднокреветна соба се доплаќа 3.710, 00 денари.
(Плаќањето за сместувањето и разгледот на Истанбул е по добиена про-фактура од страна на ТА „Македонија Сообраќај“ АД - Скопје на Вашата електронска пошта).
- Цената за превоз со високотуристички автобус на наведената релација Скопје-Истанбул-Скопје (тргнување на 24 април 2018 година, во 16:30 часот и враќање  на 29 април 2018 година во утринските часови) изнесува 4.900,00 денари.
(Плаќањето за превозот е по добиена про-фактура од страна на Стопанската комора на Македонија на Вашата електронска пошта).

Котизација за советувањето

• Котизацијата за дводневното советување изнесува 4.130,00 денари (3.500,00 + 18% ДДВ). 
Секој трет и нареден учесник од иста организација добива 10% попуст на котизацијата.
 
Во цената на аранжманот не е вклучено:
• патничко осигурување, влезници во културноисториските споменици и индивидуални факултативни трошоци.

*   Поради ограничен број на места, крајниот рок за пријавување е до 30 март 2018 година.
* Резервацијата се смета за потврдена со извршената уплата.

Пријавувањето за советувањето после овој рок  ќе зависи од распложливите капацитети на хотелот.

Сигурна реализација е со пријавени 15 учесници.
     
 За сите учесници на семинарот ќе биде обезбедено:
-  работен материјал;
-  сертификат за присуство на семинарот.