Цели на предлог регулативата:           

Основна (или општа) цел на новиот ЗОРОДУ е воспоставувањето јасна, рационална и функционална државна управа, која ќе обезбеди законито и ефикасно извршување на функциите на државата и подобро остварување на правата и правните интереси на граѓаните и правните лица.

-             јасното определување на видовите органи на државната управа и нивната положба во рамките на извршната власт;

-             воведувањето функционални критериуми за основање органи во состав и разграничување на нивните работи од работите на организациските единици во министерствата,

-             воведувањето на јасни правила за поделбата на надлежностите на органите на државната управа,

-             стандардизирањето на називите на органите во состав според природата на нивните основни функции,

-             воспоставувањето јасни линии на одговорност и отчетност меѓу Владата, министерствата и органите во состав, како и самостојните органи на државната управа и управните организации,

-             разграничувањето на општото политичко насочување од самостојноста при одлучувањето во конкретните предмети и спроведувањето на законските надлежности на органите кои се потчинети на Владата и/или министерствата,

-             обезбедувањето институционална стабилност преку основање и укинување на органите во состав и управните организации со самиот ЗОРОДУ,

-             зајакнувањето на критериумите за основање самостојни органи на државната управа и воведување јавна евиденција за нив и воведувањето функционален и организациски преглед на самостојните органи на државната управа најмалку еднаш во пет години;

-             усогласувањето со процесниот закон (ЗОУП) во однос на решавањето во управната постапка,

-             уредувањето на положбата и основните функции на државниот секретар во министерствата како висок раководител,

-             попрецизно уредување на актите на органите на државната управа,

-             унапредувањето на надзорот и

-             отстранувањето на застарените одредби и подобрувањето на прегледноста на законодавството

Предлог на закон за организација и работа на органите на државната управа