Регионалната школа за срцева слабост додели две плакети како благодарност за поддршката за одржување на овогодинешната втора конференција. Првата благодарност до Стопанска комора и втората, посебна плакета за претседателот Азески, со надеж дека оваа меѓународна конференција ќе продолжи да се организира и наредните години.

Следејќи го овoј проблем, Европското кардиолошко здружение според новите препораки препорачува пациентите со срцева слабост да се третираат врз основа на мултидисциплинарен програм и приоритети. 

Континуираната едукација на кардиолозите и средниот медицински персонал е неопходна за да се овозможи адекватно медицинско згрижување на пациентите, во различни земји. 

Во насока на воспоставување на врвна едукативна програма за срцева слабост – Регионална школа за срцева слабост, иницирано е воспоставување на партнерство со Европското кардиолошко здружение и едни од водечките европски кардиолошки истражувачки и образовни центри - Центарот за срце од Цирих и Центарот за срце од Лондон, која ќе понуди споделување на нови научни сознанија од водечките европски експерти од областа, како и интерактивна и практична едукација, со цел за унапредување на познавањата за дијагностика и менаџирање на пациентите со  срцева слабост. 

Второто издание на Регионалната школа за срцева слабост се одржа во Скопје на крајот на минатата недела, во соработка со Европското кардиолошко здружение и Европската асоцијација за срцева слабост, а огромен придонес во организација на школата и оваа година беше присуството на актуелниот претседател Проф. д-р Томас Лушер. Школата ќе биде лиценцирана и валидирана како официјален едукативен настан во рамките на здружението.