На информативната сесија, претставниците на ИНОВА ги презентираа можностите за користење на неповратна финансиска поддршка за имплементација на меѓународни стандарди и сертификации,

Поддршката опфаќа стандарди и сертификации од областа на животната средина, енергетската ефикасност и одржливото работење, меѓу кои ISO 14001, ISO 50001, GlobalG.A.P. и други. Со повикот се предвидува поддршка до 80% од прифатливите трошоци за поддршка на зелените бизниси; до 150.000 денари за советодавни услуги и до 150.000 денари за независна сертификација.

Компаниите од Кичево и регионот имаа можност да се запознаат со условите и можностите за аплицирање и да добијат директни информации како да ја искористат финансиската поддршка за подобрување на своето работење и воведување одржливи деловни практики.

На средбата беше договорено да се продолжи со информативни средби за наредните повици со цел поголема достапност до компаниите.