Златко Бисковски, лиценциран застапник за застапување во Царински постапки-Шпедитер, со повеќе од 28 години работно искуство во областа на шпедитерското работење. Бисковски е заменик директор во шпедиција во компанијата Дени Интернационал Скопје, каде во изминатите 14 години ја гради својата кариера, преку градење експертиза во обезбедување на услуги за обезбедување комплетно логистичко решение, транспорт, шпедиција, складирање на стоки за привремено чување, складирање на стоки за повеќекратно чување, чување на домашни стоки и др.

Костадин Стојанов е раководител на секторот за царинско работење на Макпетрол АД Скопје, каде повеќе од 14 години е одговорен за царинските постапки и царинењето на компанијата. Покрај искусвото од приватен сектор, Стојанов 11 години ра има работени и во Царинската управа на Република Македонија на повеќе различни позиции и сектори.

Ѓино Шкријељ, управител на компаниите Викторија Шпед и Фалкон Логистик, со повеќе од 27 години искуство во областа на царинско посредување и транспортни операции, логистика и синџир на снабдување. Шкриељ истовремено е претседател на на Македонската асоцијација на мегународни Шпедитери и Логистички оператори (МИФА)во рамките на Стопанската комора на Северна Македонија.

Карло Змајшек, поседува повеќе од 30 годишно искуство во делот на шпедитерското работење. Член е на МИФА (Македонската асоцијација на мегународни шпедитери и логистички оператори) од нејзиното основање во 1993 година. Во рамките на разни проекти и унапредување на знаењата има одржано повеќе од 200 интерактивни обуки од надворешно трговското работење, најмногу за Инкотермс. Автор е на книгата „Практичен прирачник за правилата ИНКОТЕРМС 2010“. Долгогодишен член на комисијата за полагање за лиценци за царинските посредици во Царинска управа. Исто е и обучувач во програмата за обука на царинските застапници. Активен директен учесник во секојдневните шпедитерските активности и предизвици во Макпетрол А.Д. каде во моментов работи во Секторот за транспортна логистика.

Офелија Бајо е дипломиран правник со правосуден испит. Работела во Царинска управа каде има 21 годишно искуство и од почеток на својата кариера во Царинска управа, работи во повеќе сектори, а фокусот на својата работа ја става на царински постапки, нивното поедноставување и олеснување на трговијата. Учествува во повеќе Проекти во рамките на Царинска управа, а еден од позначајните е имплементација на системот за електронска обработка на декларации и акцизни документи, како негов проектен менаџер. Во тек на кариерата ангажирана е како учесник на повеќе домашни и меѓународни семинари и конференции од областа на царински постапки. Својата кариера ја продолжува како оперативен менаџер во Ред шпед ДООЕЛ, компанија со основна дејност шпедиција, транспорт и складирање, како и пружање на консултантски услуги.

Стојче Василев, дипломиран правник и консултант за царински формалности. Моментално е ангажиран на Проект на Светска банка за олеснување на транспорт и трговија на Западен Балкан, во компонента за Едношалтерски систем - National Single Window и компонента на ЦЕФТА ДП5 и ДП6 за Овластен економски оператор и Преносливост на социјалните права и отстранување на дозволите за работа. Поседува повеќе од 30 годишно искуство стекнато со ангажмани во Царинската управа и во шпедитерски компании, Фершпед, Соаре, Боми 10 Логистик како раководител на царински и логистички сектори. Преку семејната компанија Бивест, вклучен е во едукација на царински застапници за завршување на испит за царинско застапување во Царинска управа и во проекти за дуално образование и едукација за вработување на ученици и студенти.