Сакате ВИ да работи за вашиот бизнис, но не знаете од каде да започнете?

Барате решенија за маркетинг предизвици без потреба од технички вештини?

Стопанската комора на Северна Македонија, во рамки на проектот: BizHack AI: Оспособување на малите и средни претпријатија преку практични решенија за вештачка интелигенција, ве поканува да земете учество на престојниот хакатон: BizHack AI Маркетинг Хакатон, кој се одржува во периодот 24-26 ноември 2026 година во Будимпешта, Унгарија. Хакатонот е наменет за мали и средни претпријатија (МСП) од седумте партнерски земји: Чешка Република,Унгарија, Црна Гора, Македонија, Полска, Србија и Словачка.

Учеството е без надомест, по принцип на поднесување на апликација и за учество на истиот нема потреба од познавања од областа на програмирање.

39 компании. 10 маркетинг предизвици. 10 решенија базирани на Вештачка Интелигенција. Поднесете го вашиот предизвик и бидете меѓу 10-те избрани.

Основачи, директори, менаџери или маркетинг специјалисти од МСП во 7 земји од Централна и Источна Европа. Нема ограничувања по големина или индустрија – добредојдени се и самостојни претприемачи.

Идеален кандидат е оној што:

• Има реален, повторлив маркетинг предизвик што му одзема време или пари
• Веќе користи основни дигитални алатки (е-пошта, табели, CRM, социјални мрежи)
• Може да присуствува на сите 3 дена во Будимпешта
• Има влијание или овластување да го имплементира решението во компанијата
• Не е потребна техничка позадина

Секоја компанија испраќа една личност. При аплицирање, опишете еден конкретен маркетинг предизвик – неформално, но искрено и детално.

• Компанија што секој месец рачно составува извештаи за кампањи од повеќе платформи
• Сопственик што собира повратни информации од клиенти, но нема процес за нивна анализа

Процес на селекција

Секој апликант доставува опис на предизвикот. Експертски тим избира 10 најсоодветни, конкретни и разновидни предизвици погодни за ВИ решенија.

Избраните учесници добиваат покриени трошоци за сместување, храна и патување (во рамки на ЕУ). Присуството на сите 3 дена е задолжително.

Што се случува на хакатонот

1. ВИ работилница и Showroom – Вовед во low-code/no-code ВИ алатки и обука за Prompt Engineering.
2. Маркетинг работилница – ВИ во маркетинг: содржина, lead scoring, комуникација со клиенти, аналитика и извештаи.
3. Претставување на предизвици и формирање тимови – Меѓународни тимови од 3–4 учесници.
4. Развој и Fire Mentoring – Изработка на ВИ прототипи со експертска поддршка и насочени совети.
5. Презентација и оценување од жири – Фокус: проблемот, ВИ пристапот и применливоста за МСП.

• Работен ВИ прототип за вашиот маркетинг предизвик
• Практични ВИ вештини од меѓународни експерти
• Каталог на ВИ алатки за МСП маркетинг
• Меѓународна мрежа на претприемачи и ментори
• Бесплатен пристап до MeOut Summit 2026 – водечка стартап и тех конференција во Будимпешта www.meoutsummit.com

Апликацијата се состои во доставување на следните податоци на линкот подолу:

• Име на компанија
• Земја и индустрија
• Кој ќе присуствува
• Маркетинг предизвик
• Како моментално го решавате
• Што значи успех за вас
• Контакт детали

Вашиот интерес можете да го пријавите со пополнување на forms.gle/59Mi1DSfarZgbaor8

Последен рок за доставување на апликација: 30 септември 2026 година

Настанот е во организација на:Стартап Сегед (GYEEK Club Egyesület), во партнерство со DEX Иновативен центар (Чешка), Стартап хаб (Полска), Асоцијација на унгарски претприемачи во Словачка (Словачка), Центар за стручно образование (Црна Гора), Стопанска комора на Северна Македонија, и ИКТ хаб (Србија).