Уредното водење на документацијата е темел на секој успешен бизнис. Унапредување на работните процеси следени од примена на дигитализација и вештачка интелигенција овозможува процесите да станат поефикасни, поорганизирани и подостапни за современото работење. Со интеграција на AI алатки, компаниите добиваат можност да ја трансформираат документацијата од административен товар во стратешка предност.

Во насока на приближување на дигиталните вештини до секоја компанија, Стопанската комора на Северна Македонија, во соработка со Семос Едукација, на 23 и 24 септември 2026 година ја организираат обуката: „AI FOR DOCUMENTATION: ПРАКТИЧНА ПРИМЕНА НА ВЕШТАЧКА ИНТЕЛИГЕНЦИЈА ПРИ РАБОТА СО ДОКУМЕНТИ“.

Обуката започнува со основите на безбедната и одговорна употреба на AI, вклучувајќи GDPR, заштита на податоци и основите на EU AI Act. Потоа продолжува со практична примена на AI за истражување, подготовка и ревизија на документи, како и користење на Microsoft Copilot директно во Word и другите Office апликации.

Преку реални примери, демонстрации и практични вежби, учесниците ќе стекнат вештини кои можат веднаш да ги применат во својата работа. Ќе научат како побрзо да подготвуваат документи, да извлекуваат клучни информации од големи количини текст, да создаваат извештаи и да го подобрат квалитетот и конзистентноста на деловната документација.

Оваа практична обука е наменета за професионалци кои секојдневно работат со документи и сакаат да ја зголемат својата продуктивност преку примена на вештачка интелигенција. Програмата е дизајнирана за правни служби, човечки ресурси, тендерски и проектни канцеларии, регулаторни оддели, административен персонал, раководители на тимови и оддели, како и останати деловни корисници кои во секојдневното работење користат документација и се подготвени да научат како побрзо и поквалитетно да ја подготвуваат и обработуваат документи со помош на AI. Учесниците ќе научат како да користат AI за истражување, подготовка на документи, анализа на информации, сумирање содржини и преглед на документација.

Обуката не бара техничко предзнаење и е наменета за сите деловни корисници кои сакаат практично да ги применат AI алатките во секојдневните процеси поврзани со документи и информации.

Модул 1: Основи на безбедна и одговорна употреба на AI

Запознавање со принципите на функционирање на AI алатките, разликите помеѓу јавни и корпоративни AI решенија и основните правила за безбедно користење на податоци. Во рамки на модулот се обработуваат GDPR принципите, заштитата на чувствителни информации и основите на EU AI Act. Учесниците ќе научат кога и како може безбедно да се користи AI во работна средина и како да ги проценуваат потенцијалните ризици.

Користење на AI за побрзо пронаоѓање, организирање и сумирање информации од различни извори. Учесниците ќе научат како да поставуваат ефективни барања, да добиваат структурирани одговори, споредби и резимеа, како и како да ја проверуваат точноста на добиените информации пред нивна употреба во деловна документација.

Практична примена на AI при подготовка на први верзии на документи, извештаи, политики, процедури и други деловни материјали. Учесниците ќе научат како да сумираат обемни документи, да извлекуваат рокови, обврски и ризици, како и да прилагодуваат содржина за различни публика и намени. Дополнително ќе научат како AI може да помогне во проверка на конзистентност и квалитет на документите.

Запознавање со можностите на Copilot директно во Word и останатите Microsoft 365 апликации. Учесниците ќе научат како да креираат документи од кратки инструкции, да сумираат постоечки документи, да преработуваат текстови и да користат постоечки датотеки како основа за нова содржина. Фокусот е ставен на практична работа во алатките што корисниците веќе ги користат секојдневно.

Работа на реални сценарија специфични за правни служби, HR, тендерски и проектни канцеларии, регулаторни оддели и администрација. Учесниците ќе применат AI во комплетен процес: истражување, подготовка на документ, ревизија и финализација на содржината. Целта е да се демонстрира како AI може да се интегрира во реалните работни процеси на секој оддел.

Учесниците ќе научат како да создаваат повторно употребливи шаблони за барања, да обезбедат поконзистентни резултати и да избегнат вообичаени грешки при работа со AI. Ќе се обработат техники за подобрување на квалитетот на одговорите, проверка на факти и воспоставување добри практики за работа со AI во организацијата.

Вовед во напредните можности што се надвор од класичното користење на AI преку разговор. Учесниците ќе се запознаат со концептите на автоматизација на процеси, AI агенти, интелигентна обработка на документи и автоматско генерирање документи од предефинирани шаблони и податоци. Целта е да препознаат кои процеси во нивната организација би можеле дополнително да се автоматизираат.

• Не е потребно претходно искуство со AI
• Не е потребно програмирање или техничко предзнаење
• Основно познавање на Microsoft Office алатките е препорачливо

• Да користат AI безбедно и во согласност со интерните политики и регулативи
• Да применуваат GDPR принципи при користење AI алатки
• Да истражуваат и анализираат информации побрзо и поефикасно
• Да сумираат долги документи и да извлекуваат клучни информации
• Да подготвуваат први верзии на документи, политики, извештаи и процедури
• Да прилагодуваат содржина според различни целни групи
• Да користат Copilot директно во Word и Microsoft 365
• Да извлекуваат обврски, ризици и рокови од документација
• Да креираат шаблони за поефикасна работа со AI
• Да препознаваат процеси погодни за автоматизација и AI решенија
• Да применуваат AI во реални деловни процеси поврзани со документација

Предавач: Мартин Николов, експерт за AI, дигитална трансформација и автоматизација на деловни процеси со примена на современи AI технологии во организациите. Со повеќегодишно искуство во развој и интеграција на деловни системи, управување со проекти и оптимизација на работни текови, тој им помага на компаниите да ги модернизираат процесите, да ја зголемат продуктивноста и да донесуваат подобри одлуки базирани на податоци.

Неговата комбинација од техничка експертиза, проектен менаџмент и длабоко разбирање на современите AI технологии го прави предавач кој успешно ги претвора комплексните технолошки концепти во практични решенија со реална деловна вредност.

• работни материјали во електронска верзија (прирачник со готови prompt-шаблони, пристап до практични вежби и примери од обуката);
• пристап до премиум лиценца за Microsoft Copilot за времетраење на обуката, како и практична работа со други современи AI алатки, како Claude.
• освежување
• сертификат за учество на обуката.       

Сите заинтересирани за учество да се пријават најдоцна до 22.09.2026 година.