Стратегијата за паметна специјализација е стратешки документ кој државата преку Министерство за образование и наука и Министерство за економија како главни носители се креира со поддршка на Заедничкиот Истражувачки Центар (JRC) на Европската Комисија и други меѓународни донатори.

Самата стратегија треба да ги определи стратешките области и правци каде Република Северна Македонија треба да се насочи во процесот на нејзина специјализација, при што, главната цел е преку интензивна соработка помеѓу науката и бизнис секторот да се трансформира економија со цел зголемување на продуктивноста и конкурентноста на земјата во процесот на целосно интегрирање во ЕУ. Стратегијата за паметна специјализација ќе ги даде главните правици каде идните фондови од ЕУ и поддршката од страна на државата треба да се насочи во наредниот период со цел подобрување на перформансите на македонската економија.

Стопанската Комора на Северна Македонија како најголема бизнис заедница е активно вклучена во процесот на изработка на Стратегијата, но многу поважно во соработка со науката и креаторите на политиките ќе биде посветена на имплементација на конкретните активности со цел обезбедување на поголема поддршка за нашите компании во нивните напори за технолошка модернизација преку нови инвестиции, како и во подобрување на соработка со науката и академијата со цел креирање на нови иновации и развој на нови производи со поголема додадена вредност. Ова е во насока со врвните приоритети на Комората на иднината за поддршка на компаниите со цел зголемување на конкурентноста за поголем извоз на регионалните и странските пазари.