Стопанската комора на Северна Македонија на 27 март 2025  година во соработка со Здружението на инженери за заштита ТУТЕЛА, Скопје, организира еднодневен семинар на тема: НЕСРЕЌИ ПРИ РАБОТА – законски обврски, осигурување, евиденција, пракса.

Несреќите при работа претставуваат значаен предизвик за работодавачите и работниците, бидејќи истите имаат директно влијание врз здравјето, безбедноста и продуктивноста во работењето. Законските регулативи налагаат прецизни процедури за пријавување и евиденција на несреќите и истовремено ја актуелизираат потребата на работодавачот за осигурување на вработените со цел заштита на нивните права и подобрување на условите за работа.

За таа цел го организираме семинарот на тема: НЕСРЕЌИ ПРИ РАБОТА – законски обврски, осигурување, евиденција, пракса, каде учесниците ќе добијат подетални сознанија за процедурите поврзани со несреќите при работа, нивното пријавување, водењето на евиденција и осигурувањето на вработените и останатите прашања поврзани со повредите на работното место.

Семинарот има за цел да ги запознае учесниците со актуелните законски обврски и практични решенија за ефикасно справување и управување со несреќите при работа. Преку анализа на постоечките предизвици и добри практики, учесниците ќе се стекнат со знаења за подобрување на безбедноста при работа и заштита на вработените.

• Менаџери, управители и директори на сите нивоа и сектори во организациите;
• Стручни лица за БЗР и човечки ресурси;
• Работодавачи и работници од различни индустрии;
• Сите заинтересирани за подобрување на работните услови и правилна примена на регулативите.

Овој еднодневен семинар е организиран според принципот на обука, каде што учесниците преку предавања и анализа на студија на случај ќе се стекнат со нови вештини и компетенции и ќе ги подобрат постојните знаења за примената на обврските коипроизлегуваат од Законот за БЗР и решенија за дадени ситуации.

• М-р Горан Поповски - Државен инспекторат за труд;
• Наумче Стојчевски - Менаџер во сектор за осигурување и реосигурување Еуролинк Осигурување АД Скопје - членка на Групација Граве;
• Даниел Паришко – Осигурително брокерско друштво Минт Инс АД Скопје;
• Каролина Салџиева -  инженер за безбедност и здравје при работа, Рапид Билд ДОО Куманово.

Оваа обука според Правилникот за едукација на стручни лица за безбедност при работа се бодува со 10 бода за пасивно учество на истата, Ви доставува Здружението на инженери за заштита ТУТЕЛА, Скопје.

За сите учесници на семинарот ќе биде обезбедено:

-       работен материјал доставен електронски;

-       ручeк и освежување;

-       сертификат за присуство на семинарот.

Сите заинтересирани учесници можат да се пријават најдоцна до 24.03.2025 година.