Катја Зајц Кејжар е редовен професор на Универзитетот во Љубљана, Факултет за економија и бизнис, и раководител на Академската единица за меѓународна економија и бизнис. Нејзините истражувачки интереси опфаќаат различни аспекти во меѓународната економија и бизнис, европската економска интеграција, во глобалните синџири на вредност, управувањето со ризик и во индустриското реструктуирање. Работела како гостински истражувач и предавач на Универзитетот во Болоња, Шангајскиот универзитет за меѓународен бизнис и економија и на Универзитетот во Антверпен, а редовно предава на Универзитетот во Ријека. Учествувала во голем број европски (Европската комисија, Жан Моне), меѓународни (ОЕЦД) и домашни словенечки проекти (АРИС, Стопанската комора на Словенија, Царинската администрација на Република Словенија, Министерството за економија, туризам и спорт, и Министерството за земјоделство, шумарство и храна).

Во моментов таа го води проектот „EUglobe – ЕУ бизнис-успех на глобалните пазари“ (Еразмус+, Европска комисија), кој има цел да го подобри капацитетот за управување со ризик на компаниите на глобалните пазари.

Ведад Халиловиќ, менаџер за извоз во „АС холдинг“ Сараево, има дипломирано на Универзитетот во Истанбул, на департманот Меѓународни односи, додека, пак, своите магистерски студии ги завршува на Трговскиот универзитет во Истанбул. Во компанијата „АС Холдинг“ тој развива планови за унапредување на извозот и учествува на светски манифестации (саеми, самити и конференции), каде што ги претставува достигнувањата на компанијата. Ведад е член на Собранието на Надворешнотрговската комора на Босна и Херцеговина и косопственик на мала трговска компанија чиј тим брои 12 лица.

Проф. д-р Анастас Вангели е доцент по меѓународен бизнис на Факултетот за економија и бизнис при Универзитетот во Љубљана. Неговите истражувачки интереси се насочени спрема сегменти на глобализацијата и на глобалните еволуирачки социополитички пејзажи, последиците од подемот на глобалната Кина, дифузијата на идеите низ земјите, како и спрема полињата на практиката и нивните менаџерски последици. Тој беше гостински научник на Универзитетот во Торино, Италија, на школата ESSCA за менаџмент „Анџерс и Шангај“, на Европскиот институт за кинески студии – Париз, а има студирано и спроведено истражување во неколку европски земји и во неколкуградови во Кина. Неговата работа е објавена во Critical Perspectives in International Business, Journal of International Business Policy, во Industrial Marketing Management, Journal of Contemporary China, China and World Economy и во други списанија. Тој е вонреден уредник на „Азија Европа журнал“. Во 2020 година ја доби Наградата за најдобар млад научник од општествените науки, доделена од претседателот на Македонија.

Дарко Антески работи на позицијата директор за набавка на трговска стока во Лидл Северна Македонија. Повеќе од 17 години работи со голем ентузијазам во малопродажбата во рамките на повеќе ланци на супермаркети, од кои 3 години е дел од тимот на Лидл. Последната година покрај тековните обврски посветено работи во делот на развој на домашни добавувачи и промоција на македонски традиционални производи, како и на изработка на брошурите во соседните Лидл држави како Србија, Бугарија и Хрватска.